Итгэлийн тунхаг

• 1

  Бурханаар өгөгдсөн, тэнгэрлэг онгодтой, алдаа мадаггүй, цогцоороо найдвартай, итгэл болон төлөвшилт дэх бүхий л хэрэгт хамгийн дээд эрх мэдэлт зөвхөн Хуучин ба Шинэ гэрээнээс бүрдсэн Ариун Бичээст бид итгэдэг.

• 2

  Эцэг, Хүү, Ариун Сүнс гэсэн гурвалаар мөнхөд оршигч цорын ганц Бурханд бид итгэдэг.

• 3

  Адам нь Бурхан дүр төрхийн дагуу бүтээгдэж, Сатан, чөтгөрөөр соригдож, унасан. Адамын гэмээс болж бүх хүн гэмтэн болсонд бид итгэдэг.

• 4

  Махан бие дотор илэрхийлэгдсэн Бурхан болох бидний Эзэн Есүс Христ, Түүний онгон эмэгтэйгээс төрсөн төрөлт, Түүний гэм нүгэлгүй амьдрал, Түүний тэнгэрлэг гайхамшгууд, Түүний цусаар дамжуулан орлуулах болон эвлэрүүлийн үхэл, Түүний биеийн дахин амилалт, Түүний дээш одож Эцэгийн баруун гарт суусан болон хүч ба алдар дотор Түүний Өөрийн биеэр дахин ирэх ирэлтэд бид итгэдэг.

• 5

  Алдагдсан бөгөөд гэм нүгэлт хүний аврал, Ариун Сүнсээр шинэчлэгдэх шинэчлэлт нь туйлын шаардлагатай гэдэгт бид итгэдэг.

• 6

  Аврал нь гэм нүглийн чөлөөлөлт, Христийн зөвтгөл болон мөнхийн амиас бүрдэх бөгөөд үйлсээр бус зөвхөн итгэлээр ирдэг гэдэгт бид итгэдэг.

• 7

  Итгэгч нэгний дотор нь оршиж, бурханлаг амьдралаар амьдруулдаг Ариун Сүнсний үйлчлэлд бид итгэдэг.

• 8

  Аврагдсан болон алдагдсаны аль алиных нь амилалт; аврагдсан нэгний амийн амилалт, алдагдсан нэгний гэсгээлтийн амилалтад бид итгэдэг.

• 9

  Христийн бие болох чуулган нь дахин төрж, Ариун Сүнсээр баптисм хүртсэн, мөн Тэр тэнгэрт зуучлан, мөн тэдний төлөө Тэр дахин ирэх эдгээр хүмүүсийн нэгдэл гэдэгт бид итгэдэг.

• 10

  Бидний Эзэн Есүс Христийн доторх итгэгчдийн сүнслэг нэгдэлд бид итгэдэг.

• 11

  Христ Чуулганыг бүх дэлхий рүү явж, сайн мэдээг хүн бүрт дэлгэрүүлж, итгэсэн хүн бүрт зааж, тэдэнд баптисм хүртээ гэж сургасан гэдэгт бид итгэдэг.

• 12

  Есүс Христийн буцаж ирэх нь ойрхон байгаа болон Өөрийн биеэр дахин ирэх ирэлтэд бид итгэдэг.